Menaxhment dhe Financa (MA)

Misioni i Programit Studimor Menaxhment dhe Financa

Programi Studimor Menaxhment dhe Financa dhe objektivat e tij janë në përputhje me misionin e institucionit, pasi ndërtohen mbi të njëjtat shtylla themelore: arsim (mësimdhënie dhe mësimnxënie), shkencë (hulumtime shkencore) dhe shërbime ndaj komunitetit (kontribut pozitiv për mirëqenien ekonomike të shoqërisë).

Misioni i programit Menaxhment dhe Financa është të pajisë studentët me njohuri të avancuara shkencore dhe aftësi praktike multidisiplinare në fushat e menaxhmentit dhe financave, përmes metodave moderne të mësimdhënies dhe hulumtimeve të thelluara shkencore, në funksion të zhvillimit të kapaciteteve njerëzore sipas nevojave të ekonomisë së tregut në vend dhe rajon.

Programi ofron njohuri të avancuara në të gjitha dimensionet e fushave të Menaxhmentit dhe Financave, duke mundësuar arsim akademik në një mjedis lokal të pasuruar me ekspertizë ndërkombëtare, me qëllim krijimin e një ambienti bashkëpunues ndërmjet studentëve, stafit mësimdhënës, administratës dhe komunitetit.

Në hartimin e programit në nivel master janë marrë parasysh Korniza Kombëtare e Kualifikimeve dhe Korniza Evropiane e Kualifikimeve, të cilat kanë udhëhequr përcaktimin e rezultateve të pritura të të nxënit. Studentët që përfundojnë me sukses programin do të jenë në gjendje të zbatojnë njohuritë dhe të kuptuarit e tyre në mënyrë profesionale, duke demonstruar kompetenca për të formuluar dhe mbështetur argumente, si dhe për të zgjidhur probleme të fushës së Menaxhmentit dhe Financave.

Fusha dhe Rezultatet e të Nxënit

Fusha	Rezultatet e të Nxënit
Arsimi Akademik	Të përgatisë profesionistë me kompetenca të avancuara në menaxhim financiar, financa korporative dhe tregje financiare.
Njohuri për Zgjidhjen e Problemeve	Të zbatojnë teori dhe praktika financiare për të zgjidhur probleme komplekse të menaxhimit financiar, investimeve dhe strukturës së kapitalit.
Hulumtimi Shkencor	Të zhvillojnë hulumtime shkencore në financa duke përdorur analiza kuantitative dhe empirike për vendimmarrje strategjike financiare.
Analiza e Problemit	Të identifikojnë, analizojnë dhe zgjidhin probleme financiare si menaxhimi i rrezikut, vlerësimi i investimeve dhe cash-flow.
Zhvillimi i Zgjidhjeve	Të vlerësojnë zgjidhjet financiare duke përdorur modele financiare dhe instrumente moderne.
Përdorimi Modern i Mjeteve	Të përdorin softuerë financiarë, modele statistikore dhe mjete të menaxhimit financiar për analiza dhe vendimmarrje.
Puna Individuale dhe Ekipore	Të punojnë në mënyrë efektive në ekipe financiare dhe menaxheriale, duke marrë role udhëheqëse në projekte.
Komunikimi	Të komunikojnë në mënyrë profesionale rezultatet e analizave financiare me investitorët, bordet drejtuese dhe institucionet financiare. Të komunikojnë në mënyrë të përgjegjshme me palët e interesit, duke përfshirë dimensionet e qëndrueshmërisë dhe ndikimit shoqëror.
Profesionalizmi dhe Shoqëria Ekonomike	Të kuptojnë dhe respektojnë aspektet etike, ligjore dhe sociale të menaxhimit financiar dhe raportimit financiar.
Etika	Të demonstrojnë integritet dhe etikë në praktikat financiare, raportim dhe vendimmarrje menaxheriale.
Të Mësuarit gjatë Gjithë Jetës	Të aftë të ndjekin zhvillimet e reja në financa, rregullativa financiare dhe teknologji digjitale për avancim profesional.
Pikëpamja Sociale dhe Mjedisore	Të integrojnë parimet e përgjegjësisë sociale dhe mjedisore, duke marrë parasysh ndikimin afatgjatë të strategjive financiare në shoqëri dhe mjedis.

Gjithashtu, ky program u mundëson kandidatëve të vazhdojnë studimet në nivelin e doktoratës.

Prof.Asoc.Dr.Betim Spahiu

Prof.Ass.Dr.Nexhmije Kabashi

Prof.Ass.Dr.Ariana Xhemajli