Vizitë e Stafit të Kolegjit Biznesi në Institutin Politeknik të Bragançës (IPB), Portugali

Në kuadër të bashkëpunimeve ndërkombëtare dhe zhvillimit profesional të stafit akademik, stafi i Kolegjit Biznesi realizoi një vizitë zyrtare në Institutin Politeknik të Bragës (IPB) në Portugali. Kjo vizitë u zhvillua në frymën e shkëmbimeve akademike dhe forcimit të marrëdhënieve ndërinstitucionale brenda programit Erasmus+.
Gjatë qëndrimit në IPB, stafi i Kolegjit Biznesi mori pjesë në:
Takime me drejtues institucionalë dhe departamente akademike për të shqyrtuar mundësitë për bashkëpunim të mëtejshëm në fushën e arsimit, kërkimit dhe projekteve të përbashkëta.
Leksione dhe prezantime ndërdisiplinare, duke ndarë përvoja dhe praktika të mira me kolegë nga vende të ndryshme të Evropës.
Rrjetëzim profesional dhe diskutime mbi sfidat dhe zhvillimet në arsimin e lartë në kontekstin ndërkombëtar.
Vizita në IPB përfaqëson një hap konkret në zgjerimin e bashkëpunimeve të Kolegjit Biznesi me institucione të njohura të arsimit të lartë në Evropë. Përveç përfitimeve akademike, vizita ofroi një mundësi të shkëlqyer për të njohur më nga afër kulturën portugeze, përmes aktiviteteve kulturore dhe sociale të organizuara nga IPB. Faleminderit IPB për mikpritjen, bashkëpunimin e ngushtë dhe atmosferën profesionale.
Kolegji Biznesi mbetet i përkushtuar në ndërtimin e një rrjeti të fuqishëm ndërkombëtar që kontribuon në cilësinë dhe ndërkombëtarizimin e arsimit që ofron.