Certifikata për venidn e parë në garën ndërkombëtare!
Jemi krenarë të njoftojmë se studentët Bardh Brahaj dhe Feime Rastavica janë vlerësuar me certifikata për arritjen e vendit të parë në Konkursin Ndërkombëtar për Idenë më të Mirë të Biznesit të Mençur përgjatë rrugës Transdinaricës. Ky konkurs u organizua si pjesë e iniciativës Ndërkombëtare të Mësimit Virtual Bashkëpunues (VCL) në kuadër të Projektit COWEB dhe përfshinte grupe të përziera studentësh nga institucione në të gjithë Kosovën, Shqipërinë, Gjermaninë, Italinë, Slloveninë, Malin e Zi, Bosnjën dhe Hercegovinën dhe Tunizinë.
Idetë e tyre inovative, kreativiteti dhe mendimi strategjik janë njohur në nivel ndërkombëtar, duke reflektuar si talentet e tyre individuale ashtu edhe standardet e larta të përsosmërisë të promovuara nga institucioni ynë. Këto çmime festojnë arritjet dhe kontributin e tyre të shquar në nxitjen e sipërmarrjes dhe inovacionit midis studentëve në rajon.
