Në kuadër të kontributit në komunitet dhe bashkëpunimit me institucionet arsimore, Prof. Assoc. Dr. Betim Spahiu dhe Prof. Ass. Dr. Burim Morina realizuan një ligjëratë profesionale me nxënësit e shkollës së mesme teknike “Lutfi Musiqi” në Vushtrri.

Qëllimi i këtij aktiviteti ishte avancimi i njohurive të nxënësve në fushën e edukimit profesional dhe ngritja e vetëdijes mbi rëndësinë e zhvillimit të aftësive profesionale dhe financiare për tregun e punës.

Gjatë ligjëratës u diskutua mbi rëndësinë e edukimit financiar, planifikimit të karrierës, menaxhimit të financave personale, si dhe rolin e investimeve dhe zhvillimit profesional në ndërtimin e një të ardhmeje të qëndrueshme.

Përmes diskutimeve interaktive dhe shembujve praktikë, nxënësit patën mundësinë të përfitojnë njohuri të dobishme lidhur me sfidat dhe mundësitë që ofron tregu i punës, si dhe rëndësinë e përgatitjes profesionale dhe akademike.

Ky aktivitet paraqet një kontribut të rëndësishëm në forcimin e lidhjes ndërmjet arsimit dhe komunitetit, duke promovuar edukimin dhe zhvillimin profesional të të rinjve.

05.05.2026