Kolegji Biznesi organizoi Konferencën e 13-të Shkencore Ndërkombëtare me temë “E ardhmja digjitale në fushën ekonomike, juridike dhe emergjencave”

Kolegji Biznesi në bashkëpunim me Instituti për Kërkime Shkencore dhe Zhvillim – Ulqin, organizoi Konferencën e 13-të Shkencore Ndërkombëtare me temë “E ardhmja digjitale në fushën ekonomike, juridike dhe emergjencave”, e cila u mbajt më 21.06.2026 në Prishtinë, me pjesëmarrje fizike dhe online.

Konferenca mblodhi profesorë, studiues, ekspertë, përfaqësues institucionesh, industrisë, alumni dhe studentë nga fusha të ndryshme akademike dhe profesionale, me qëllim të trajtimit të zhvillimeve bashkëkohore dhe ndikimit që transformimi digjital ka në ekonomi, shkencat kompjuterike, juridik dhe menaxhimin e emergjencave.

Në kuadër të konferencës u organizuan katër sesione shkencore në fushën e ekonomisë, shkencave kompjuterike, juridikut dhe menaxhimit të emergjencave. Gjatë këtyre sesioneve u prezantuan gjithsej 66 punime shkencore nga 114 autorë dhe bashkautorë vendorë, rajonalë dhe ndërkombëtarë, me pjesëmarrës nga Kosova, Shqipëria, Maqedonia e Veriut dhe Mali i Zi.

Punimet dhe diskutimet u fokusuan në tema aktuale dhe me rëndësi të veçantë për zhvillimin e shoqërisë moderne, si inteligjenca artificiale, transformimi digjital, siguria kibernetike, FinTech, menaxhimi digjital, ekonomia digjitale, mbrojtja e të dhënave, digjitalizimi i sistemit juridik dhe përdorimi i teknologjisë në menaxhimin e emergjencave.

Pjesë e rëndësishme e konferencës ishin edhe përfaqësuesit e industrisë dhe alumni, të cilët kontribuan në diskutimet mbi rëndësinë e bashkëpunimit ndërmjet akademisë dhe praktikës profesionale, si dhe nevojën për zhvillimin e kompetencave digjitale në tregun modern të punës.

Organizatorët vlerësuan se kjo konferencë përfaqëson një platformë të rëndësishme për promovimin e kërkimit shkencor, shkëmbimin e ideve dhe forcimin e bashkëpunimit akademik dhe profesional në nivel vendor dhe ndërkombëtar. Në përfundim të konferencës u prezantuan edhe rekomandimet kryesore, të cilat synojnë avancimin e proceseve të digjitalizimit dhe thellimin e bashkëpunimit ndërinstitucional në fushat përkatëse.