Simulim i një seance gjyqësore civile në kuadër të Biznesi Summer School 2026

Në kuadër të aktiviteteve të Biznesi Summer School 2026, studentët e Programit Studimor Juridik (LL.B.) zhvilluan një simulim të një seance gjyqësore civile, të bazuar në një rast praktik që kishte të bënte me zgjidhjen e martesës.

Qëllimi i këtij simulimi ishte t'u ofronte studentëve një përvojë praktike mbi organizimin dhe zhvillimin e procedurës gjyqësore civile, duke i përfshirë ata në role të ndryshme të procesit gjyqësor dhe duke i ndihmuar të zbatojnë në praktikë njohuritë e fituara gjatë studimeve.

Gjatë simulimit u respektuan procedurat e një seance gjyqësore civile, ku morën pjesë gjyqtari kryesor dhe trupi gjykues i përbërë nga dy gjyqtarë porotë. Në proces u paraqitën paditësja së bashku me të autorizuarin e saj, si dhe i padituri me të autorizuarin e tij, të cilët prezantuan qëndrimet, argumentet dhe provat përkatëse në përputhje me procedurën civile.

Përmes këtij aktiviteti, studentët zhvilluan aftësi praktike në interpretimin dhe zbatimin e legjislacionit civil, argumentimin juridik, përfaqësimin e palëve, komunikimin profesional dhe etikën në procesin gjyqësor. Simulimi gjithashtu kontribuoi në forcimin e të menduarit kritik dhe aftësive analitike, duke i përgatitur studentët për sfidat e praktikës juridike.

Aktivitete të tilla pasqyrojnë angazhimin e Kolegjit Biznesi për të ofruar një arsim të orientuar drejt praktikës, duke krijuar mundësi që studentët të përjetojnë situata reale profesionale dhe të zhvillojnë kompetencat e nevojshme për tregun e punës.