Kolegji Biznesi zhvilloi takim me Alumni në kuadër të procesit të riakreditimit
Në
kuadër të përgatitjeve për procesin e riakreditimit institucional dhe të
programeve të studimit, Kolegji Biznesi organizoi takim me të diplomuarit
(Alumni), me qëllim vlerësimin e përvojave të tyre gjatë studimeve, zhvillimin
e bashkëpunimit të vazhdueshëm dhe mbledhjen e rekomandimeve për përmirësimin e
programeve të studimit.
Gjatë
takimit u diskutua për përvojat e të diplomuarve në tregun e punës, mundësitë e
punësimit pas përfundimit të studimeve, përshtatshmërinë e njohurive dhe
kompetencave të fituara gjatë studimeve me kërkesat e profesioneve përkatëse,
si dhe rëndësinë e zhvillimit të aftësive praktike dhe profesionale.
Në
fokus të diskutimeve ishin programet e studimit:
- Menaxhment dhe Ekonomiks – BA
- Shkenca Kompjuterike – BSc
- Menaxhment dhe Financa – Master
- Menaxhimi i Emergjencave –
Master
Vëmendje
e veçantë iu kushtua rolit të Alumni në vlerësimin dhe përmirësimin e
vazhdueshëm të programeve të studimit, përmes shkëmbimit të përvojave
profesionale, identifikimit të kompetencave të nevojshme në tregun e punës dhe
ofrimit të rekomandimeve për zhvillimin e kurrikulave.
Gjithashtu,
u theksua rëndësia e forcimit të bashkëpunimit ndërmjet Kolegjit dhe të
diplomuarve, përmes përfshirjes së tyre në aktivitete akademike, profesionale
dhe në proceset e sigurimit të cilësisë.
Ky
takim pasqyron angazhimin e vazhdueshëm të Kolegjit Biznesi për përfshirjen
aktive të Alumni në zhvillimin institucional, përmirësimin e cilësisë së
programeve të studimit dhe përshtatjen e tyre me nevojat e tregut të punës.



